Meme ngidih nasihat timpal timpal....

Om Swastyastu panak-panak tiange sane sanget wangiang titiang,

Yen nulis surat ene keweh gati untuk tiang, sing karena basa, tapi karena subyek ne abesik keweh yen tiang.  Tiang suba ngoyong di Bali kira-kira 6 bulan sebilang tiban, selama 8 tahun terus keto. Alasan tiang seleg malajah basa Bali karena tiang demen gati jak anak Bali. Tiang suba liu gati maan pengalaman becik pisan sareng timpal-timpal Bali. Tiang CINTA Bali. Tiang peduli teken Bali. Tapi.............

Mogi-mogi tiang bisa nyelasang masalah ane ngae keweh gati yen tiang di Bali. Sane sampun uning tiang, sampun uning tiang anak ramah. Tiang demen terus ketemu sareng nak Bali dija gen di gumine. Yen tiang ke warung, langsung ngomong sareng sire sane drika. Yen di jalan, di toko, di sisin pasihe, DI PASIH, di umah timpal, di desa, di kota, di dunia maya....tetep ngalih timpal anyar. Keto, sebilang wai tiang terus ketemu sareng anak Bali anyar. Tiang tetep nongos di daerah nak Bali, sing di bungalow.

Masalahne, yen mara ketemu anak Bali, 90% waktu omongan tetep cara kene (sesubane ia nawang tiang bisa mabasa Bali):


"Wah, Meme pasti anak sugih!"

"Sing keto, sebenehne tiang anak pas pasan gen"

"Ah, sing mungkin, Meme uli AS!" Meme liu ngelah pipis"

"Sing keto, diapin uli AS, keweh gati yen meme/aji"

"Tapi yen di AS, gaji gede!"

"Nggih, tapi biaya idup masi gede di negara tiange; gede ombak gede angin"

"Adi meme bisa ke Bali yen sing sugih???"

"Diapin suba pensiun, iraga buin megae maburuh apa gen ane bisa jemak apang nyidang meli karcis, iraga irit gati di AS, irit gati di Bali, Yen sing, sing mungkin iraga bisa meli karcis"

"Akuda hargane karcis uli AS ke Bali?"

"Kira-kira Rp 10 juta PP"

"Wah, tiang sing nyidang meli... Meme nak SUGIH! Tiang nak lacur, sing ngelah apa"

"Akuda gaji memeaji di AS???" (patakon ene sing sopan di negara tiange)

"Iraga suba pensiun, maan cukup utk biaya idup gen"

"Aji/meme megae apa sekonden pensiun?"

"Tiang assisten guru megae jak nak cacad di SD, Aji guru SMA"

"Beh, yen pensiun guru PASTI SUGIH, kone maan pipis liu uli pemerintah"

"Maan pipis pensiun karena Aji megae 45 tahun sekonden pensiun.....tapi gaji pensiun sing gede."

"Tapi yen Meme di Bali , pipis meme gede dini!"

"Masalahne, iraga nu arus mayah asuransi Rp 7 juta+ abulan, mayah utang, mayah pajak di AS. Masi dini di Bali, arus mayah untuk kamar, sepeda motor, ane tyang suba ngelah di AS"

.............Terus tiang coba nyelasang...tapi ia bengkung dogen....sampe ia BUIN ngomong................
 
"Meme nak AS, SUGIH, demit dogen"

Tiang coba melakukan apa gen untuk nyelasang sebilang ketemu sareng anak Bali anyar. COBA mecande, COBA nyelasang, COBA sing ngerunguang, .....biasane bisa...tapi akhirne muak gati yen terus cara kene sebilang ketemu...akhirne sing nyidang naanang, dadi GEDEG GATI! Ada liu ane kaden lucu yen terus ngomong cara ene, diapin suba kenal ajak tiang mekelo, ane ba nawang teken tiang tapi kuang ngugu. Ada ane ngaukin tiang kata kasar,"Meme DEMIT".  Kata ane paling enggal gati ngae tiang gedeg kenehe.... 

Masalah bin abesik ne masi cara kene......Liu Anak Bali demen nagih ngidih.  Tiang ba nawang nak Bali demen mecande cara kene, bahkan sareng timpal peturu nak Bali ane len. Kapah-kapah keto yen ajak semeton Bali. Tapi yen ajak bule, terusssssssss keto. Abedik sing ada lucune buat tyang. Kija tyang melali, pasti ada nak nagih ngidih sesuatu uli tiang: Pipis, baju, sepatu, dedaaran, barang apa gen ane iraga gelahang. Ipidan tiang tetep liu gati ngaba gagapan untuk timpal-timpal di Bali. Ipidan sebilang tiban tiang ke Bali, setata ngaba 4 kotak gede bek misi baju, pelalian, apa gen ane meguna untuk nak Bali. Jani ba kapok. Adi keto? Karena ane sing maan iri, ane suba maan buin ngidih terus. Tiang liu ngaba pelalian ajak pelampung ane dadi SILIH. Tapi tetangga tiange sing nyak nyilih, ia nagih nyuang untuk dewekne pedidi. Yen pelampung, tetangga samian dadi nyilih, tapi arus uliang apang tetep ada untuk ane len. Ia sing nyak keto. Ipidan waktu tiang nongos di Tukad Mungga, ada nak ane nagih ngidih pelampung ane tiang aba ke umah timpale. Ia nagih ngidih, tiang nyelasang dadi silih, karena sing baang ia ngaukin tiang, 'song jit'.  Bahkan terus ada nak luh Bali ne nagih ngidih baju ngelangi tiange...ANGGON GENA??? Ia PASTI sing juari nganggon! Yen ngidih sepatu, ia ngomong, "Meme bisa meli ane anyar" . Ane ia sing nawang, hampir makejang baju, sepatu, barang tiange uli toko bekas di AS, apang sing mael. Tapi, ia sing ngugu. Tahun 2009 tiang liu ngaba sepatu air untuk tetangga tiange ane nelayan karena pedalem teken ane arus ngedeng jaring di batu karange. Tiang baang teken ane paling akrab, tapi makejang ane len iri, terus nagih ngidih. Masi ada sepatu ane titip di 'Ikan Bakar Caluk', silih anggon dadi  yen kar nyaring, pejang buin di tongosne yen suba suud anggo. Tapi sayang, ada ane maling sepatu tiange nto.

Yen tiang nganggon HP, komputer, kamera.....terus ada ane iri. "Baang teken tiang, Meme nak sugih, meli gen buin". Ia sing ngerti iraga harus nabung mekelo apang bisa meli ane paling utama buat iraga. Ada kejadian ane ngae tiang sebet gati. Tahun ene tiang meli Ipod tur speaker cenik apang timpal-timpal tiange bisa mabalih videone pedidi. Ada ne nak nelayan, nak petani, nak desa ane sing nyidang ka internet, atau internet nu lambat anggo muka youtube di Bali. Keto alasan tiang medalem ia mekejang. Tyang meli Ipod apang ia bisa mabalih. TAPI... dugasne tiang ke umah timpal ane sedang ngae banten untuk upacara, ada ane ngemaling speaker tiange. Yen ne ngemaling ngaden, pasti kaden sing kenken, "meme sugih, bisa meli buin".  Tapi ane ngae tambah sebet, sing ada speaker cara ento di Bali. Timpal-timpal tiange sing maan mabalih video tiange karena ento. Ane paling jelek, kejadiane waktu sedang ngae BANTEN!

Tiang membenci kata Bali abesik, 'DEMIT'. Yen basa Inggrisne, "STINGY", kata ane maksudne bisa kasar gati di AS. Iraga anak bares gati, tapi sing mungkin iraga bisa nulungin seluruh Indonesia. Iraga sanget perduli teken anak lacur. Iraga sampun nulungin sekemampuan iraga. Aji BUIN megae sesuba pensiun apang bisa nulungin. Tiang  suba ngalih sumbangan uli timpal/keluarga samian tiange. Iraga suba nguliahang panak angkat iraga 4 tiban masuk di IHDN. Iraga suba nulungin adine ane kena kanker otak ane paling ganas. Iraga suba baang kursi roda teken nak cacad di Ubud, iraga suba meli atap untuk keluarga lacur karena raabne usak, dll...suba suba suba.....tapi terus nu ada ane gedeg karena IA SING maan apa ane diharapkan. Waktu tiang mulih ke AS tahun ene, kone tetangga tiange abesik ane nelayan nyelekang tiang karena ia sing maan pipis uli tiang (keluargane maan, tapi mungkin ia nganggap sing cukup). Tiang sebet gati waktu mara nawang keto, kaden ia suba timpal seken ane ngerti keadaan Meme/Aji... Sebet gati ia bisa keto. Terus ngedeng jaring jak ia sebilang wai.

Menarikne, jani  tiang suba liu kenal ajak nak Bali di rantauan. Nak Bali NIKI ten naenin sapunika. Mungkin karena ia ba nawang kenken idup di gumin anake. Mungkin ia seken suba nawang keweh dija gen di gumine, sing di Indonesia dogen. Mungkin ia suba nawang biaya idup di negara len. Lewat blog ene, tiang harap timpal-timpal tiange ane di rantauan, masi timpal-timpal tiange ane di Bali tapi sampun timpal seken bisa menasihati tiang kenken cara menghadapi masalahe ne? Kenken cara nyelasang apang tiang sing terus kena masalah cara kene....Tiang ngidih nasehat apa gen..

Ane tiang paling harap, tiang harap dianggap timpal biasa. KETO ane paling keweh yen bule di Bali. Liu harap maan sesuatu uli tiang. Ia arap maan pipis uli tiang, harap maan barang, harap tiang nulungin sesuatu. Tiang coba nyelasang.. ane paling cocok harap...harap maan timpal sujati. Yen polih timpal sujati, nika sane paling becik. Karena yen tiang timpal ia, ia polih timpal sehidup semati.  Keto lebih becik teken maan sesuatu ane len......
Love uli Meme, nak biase gen